Preferencies de Privacidá y Seguridá - Validación
Esta estaya describe cómo emplegar el panel de Configuración de Validación. Si nun ta viendo el panel, siga estos pasos:
- Abra'l menú Remanar y escueya Preferencies.
- Na estaya de Privacidá y Seguridá, escueya Validación. (Si nun hai opciones baxo Privacidá y Seguridá, calque nel triángulu pa engrandar la llista.)
Pa información referencia de validación de la información, vea Cómo Furrula la Validación de Certificaos.
CRL
Calque Alministrar CRLs pa ver una llista de CRLs disponibles nel Alministrador de Certificaos.
Pa quitar un CRL, esbíllelu, y darréu calque Quitar.
OCSP
El Protocolu d'Estáu de Certificáu En Llinia (OCSP) permite al Alministrador de Certificaos facer una comprobación en llinia de la validá d'un certificáu ca vegada que'l certificáu se ve o s'emplega. Esti procesu consiste en comparar el certificáu a una llista de revocación de certificaos (CRL) caltenida nun sitiu web especificáu. L'ordenador tien de tar coneutáu pa que OCSP furrule.
Pa especificar cómo l'Alministrador de Certificaos emplega OCSP, escueya un d'estes configuraciones na estaya OCSP de Configuración de Validación:
- Non emplegar OCSP pa verificar certificaos. Esbille esta configuración si nun quier que l'Alministrador de Certificaos faiga una comprobación d'estáu en llinia ca vegada que verifique un certificáu. D'otra forma, cuando l'Alministrador de Certificaos faiga una verificación de certificáu, sólo comprueba'l periodu de validez del certificáu y eso ta firmáu pola CA cuyo certificáu de CA ta llistáu tanto baxo'l cuadru de Certificaos CA (na ventana principal de l'Alministrador de Certificaos) y marcada como de confianza pa emitir ese tipu de certificaos.
- Emplegar OCSP pa verificar sólo los certificaos qu'especifiquen una URL de serviciu OCSP. Esbille esta configuración si quier que l'Alministrador de Certificaos faiga una comprobación d'estáu en llinia ca vegada qu'un certificáu especifique una URL pa facer una comprobación d'esi tipu. Si hai una URL especificada pol certificáu, l'Alministrador de Certificaos s'asegura de que'l certificáu ta llistáu como válidu, y tamién fai comprobaciones rutinaries de periodu de validez y parámetros de confianza.
- Emplegar OCSP pa verificar tolos certificaos, usando la URL y firmante que s'especifiquen equí. Esbille esta configuración si quier que l'Alministrador de Certificaos faiga una comprobación d'estáu en llinia siempre que verifique un certificáu. Si escueye esta configuración, tamién debería escoyer el certificáu del menú de Firmante de Rempuesta qu'identifica al firmante de les rempuestes OCSP. Con esta configuración, los únicos certificaos que reconoz l'Alministrador de Certificaos son aquellos que pueden verificase con una rempuesta firmada col certificáu de Firmante de Rempuestes (o firmaos con un certificáu que lu encadena).
Cuando escueye un certificáu de Firmante de Rempuesta del menú, l'Alministrador de Certificaos rellena automáticamente la URL del Serviciu pa esi firmante (si ta afayadiza). Si la URL del Serviciu nun se rellena automáticamente, usté tien de metela; entrúgue-y al so alministrador de sistema pa más detalles.
[ Volver a la estaya de Validación ]
6/19/2001
Copyright © 1994-2001 Netscape Communications Corporation.